"Барселона" вингери Франсиско Тринкау ёзги трансфер ойнасида жамоани тарк этади. Бу ҳақда Goal хабар берди.
Қайд этилишича, у ватанига Португалияга қайтади. "Спортинг" уни ёзда мажбурий сотиб олиш шарти билан 1 мавсумга ижарага олишга умид қилмоқда.
22 ёшли португал ўтган мавсумни "Вулверхэмптон" сафида ижарада ўтказди. Transfermarkt уни 22 миллион еврога баҳолаган.