Энди Робертсон Чемпионлар лигаси финалининг ташкил этилганидан норози бўлди.
"Реал" "Ливерпул"ни мағлуб этган (1:0) ўйин бошланиши "Стад де Франс" стадионидаги тартибсизликлар туфайли 36 дақиқага қолдирилган эди. 30-40 минг мухлис Чемпионлар лигаси финалига ноқонуний йўл билан - чипталарсиз ва сохта чипталар билан киришга урингани хабар қилинганди.
"Сиз бироз ҳамдардлик кўрсатишингиз керак, чунки финал Россиядаги барча воқеалар туфайли охирги дақиқада Парижга тушди. Лекин бу Жаҳон футболидаги энг йирик мусобақа, УЕФА ҳомийлигидаги турнир ва уни анча яхши ташкил қилиш керак.
Бу содир бўлмаслиги керак. Расмийлар эса бу тарзда куч ишлатмасликлари керак. Ўйлайманки, деярли барча футболчиларимизнинг оилалари қийналган.
Мен клуб орқали чипта олдим ва дўстларимдан бирига сохта чипта борлигини айтишди. Сизни ишонтириб айтаманки, ундай эмас, чунки у чиптани мендан олган.
Кейин эса Франция полицияси мухлислар ва оиламизга қарши кўздан ёш оқизувчи газ ишлатди. Ўйин яхши ташкил этилмади”, - деди “Ливерпуль” ҳимоячиси.