"Ливерпул"нинг собиқ сардори, ҳозирда "Астон Вилла" бош мураббийи бўлиб ишлаётган Стивен Жеррард нима учун Садио Мане "Энфилд"ни тарк этишни истаётганини тушунмаяпти.
Эслатиб ўтамиз, аввалроқ сенегаллик футболчи "Бавария"га ўтиш ниятида экани ҳақида маълумотлар пайдо бўлганди.
"Тўғрисини айтсам, Мане нега "Ливерпул"ни тарк этмоқчи эканини тушунмаяпман. Бу жамоанинг ҳозирги таркибига назар ташлар экансиз, улар келгуси мавсумлар якунида совринлар учун курашишлари кафолатланганини тушунасиз”, - дея Жеррарднинг сўзларидан иқтибос келтирмоқда Daily Mail.
Эслатиб ўтамиз, Садио Маненинг "Ливерпуль" билан шартномаси кейинги мавсум охирида якунига етади. Футболчи Чемпионлар лигаси финалидан кейин келажаги борасида бир қарорга келишига ваъда берганди.