"Liverpul"ning sobiq sardori, hozirda "Aston Villa" bosh murabbiyi bo‘lib ishlayotgan Stiven Jerrard nima uchun Sadio Mane "Enfild"ni tark etishni istayotganini tushunmayapti.
Eslatib o‘tamiz, avvalroq senegallik futbolchi "Bavariya"ga o‘tish niyatida ekani haqida ma’lumotlar paydo bo‘lgandi.
"To‘g‘risini aytsam, Mane nega "Liverpul"ni tark etmoqchi ekanini tushunmayapman. Bu jamoaning hozirgi tarkibiga nazar tashlar ekansiz, ular kelgusi mavsumlar yakunida sovrinlar uchun kurashishlari kafolatlanganini tushunasiz”, - deya Jerrardning so‘zlaridan iqtibos keltirmoqda Daily Mail.
Eslatib o‘tamiz, Sadio Manening "Liverpul" bilan shartnomasi keyingi mavsum oxirida yakuniga yetadi. Futbolchi Chempionlar ligasi finalidan keyin kelajagi borasida bir qarorga kelishiga va’da bergandi.