Франциянинг "ПСЖ" клуби "Манчестер Юнайтед"ни тарк этгач, эркин агент мақомида бўлиб турган ярим ҳимоячи Поль Погбани жамоага таклиф қилишга шошилмаяпти. Бу ҳақда Sky Sports хабар бермоқда.
Аввалроқ, Погба ва Туриннинг "Ювентус" клуби ўртасидаги музокаралар ҳали ҳам муваффақиятли якунланмагани таъкидланганди. Эндиликда "ПСЖ"нинг футболчига бўлган қизиқишни сусайгани боис, франциялик футболчи "бьянконерилар" таклифини қабул қилиши мумкин.
Эслатиб ўтамиз, Погба хизматларига "Манчестер Сити" ҳам қизиқиш билдирган, аммо франциялик футболчи "Манчестер Юнайтед" мухлисларига ҳурмат белгиси сифатида "шаҳарликлар"нинг таклифини қабул қилмасликка қарор қилганди.
