Англиянинг "Манчестер Сити" клуби бош мураббийи Роберто Манчини бугун "Милан" клуби офисида, жамоа вице-президенти Адриано галлиани билан учрашганлиги ҳақида хабар бермоқда Goal.com.
Бир қатор европа ОАВ италиялик мутахассиснинг нима учун Миланга ташриф буюрганлиги борасида ўз таҳминларини айтмоқда.
"Милан" клубининг расмий сайтида эса, клуб мухлислари жамоа ҳужумчиси Златан Иброҳимовичнинг "Сити" сафига ўтиш ўтмаслигини қизғин муҳокама қилишмоқда.
Аммо, Галлиани билан учрашув якунига етгач, Роберто Манчини журналистларнинг бир қатор саволларига жавоб берди ва Галлиани билан айнан нималар борасида суҳбатлашганини гапириб берди.
Мен бу ерга Иброҳимовични олиб кетгани келмадим. Кўнглингиз тўқ бўлсин", дейди Манчини "Милан" клуби мухлисларига қарата.
"Шунчаки, Галлиани жаноблари билан бир иккита шахсий масалаларда гаплашиб олдик", дея Манчинининг сўзларидан иқтибос келтирмоқда Goal.com.
Аммо, кечга яқин Sport Mediaset портали, италиялик мураббийнинг нима учун Миланга ташриф буюргани сирларини очди. Порталнинг маъум қилишича, Манчинининг ташрифидан мақсад, "Милан"нинг бразилиялик ҳимоячиси Тияго Сильванинг трансферини келишиб олиш олиш бўлган.
"Сити" бош мураббийи Галлиани билан учрашув чоғида айнан шу масалада суҳбат қурган. Учрашувнинг тўлиқ тафсилотлари ҳали матбуотда ошкор қилинганича йўқ.
