Чемпионлар лигаси финалидан икки кун ўтиб Мадридда нохуш ҳодиса рўй берди. Турнирнинг ҳал қилувчи ўйини қаҳрамони, «Реал» дарвозабони Тибо Куртуа «Атлетико» стадионидаги эсдалик стэнддан олиб ташланди. Бу ҳақда Marca хабар бермоқда.
Аввалроқ, душанба куни «матрасчилар» мухлислари клуб раҳбариятидан бельгиялик футболчининг исми ёзилган лавҳани олиб ташлашни талаб қилишган.
«Атлетико Мадрид» президенти Энрике Сересо бунга рад жавобини берди, бироқ мухлисларнинг ўзлари бу ғояни ҳаётга татбиқ этишлари мумкинлигини қўшимча қилди.
Тибо Куртуа 10-йилларнинг бошида улуғвор «Атлетико»нинг бир қисми бўлиб, жамоа билан Европа Лигасини ютган.
