Chempionlar ligasi finalidan ikki kun o‘tib Madridda noxush hodisa ro‘y berdi. Turnirning hal qiluvchi o‘yini qahramoni, «Real» darvozaboni Tibo Kurtua «Atletiko» stadionidagi esdalik stenddan olib tashlandi. Bu haqda Marca xabar bermoqda.
Avvalroq, dushanba kuni «matraschilar» muxlislari klub rahbariyatidan belgiyalik futbolchining ismi yozilgan lavhani olib tashlashni talab qilishgan.
«Atletiko Madrid» prezidenti Enrike Sereso bunga rad javobini berdi, biroq muxlislarning o‘zlari bu g‘oyani hayotga tatbiq etishlari mumkinligini qo‘shimcha qildi.
Tibo Kurtua 10-yillarning boshida ulug‘vor «Atletiko»ning bir qismi bo‘lib, jamoa bilan Yevropa Ligasini yutgan.
