"Арсенал"дан ижарага олинган "Рома" ярим ҳимоячиси Эйнсли Мэйтленд-Найлс Рим клуби мухлислари билан хайрлашди.
“Мавсумни якунлашнинг ажойиб усули. "Рома" мухлислари, футболчилари ва ходимларига, бирга ўтказган қисқа вақт ичида мени улардан бири сифатида қабул қилганлари ва ишонганлари учун раҳмат. Клуб билан тарихнинг бир қисми бўлиш нақадар ажойиб тажриба”, - деб ёзди Мэйтленд-Найлс ижтимоий тармоғида.
Аввалроқ, "Рома" Лондон клубидан 24 ёшли англияликни сотиб олмаслиги маълум бўлганди.
Футболчи ўтган мавсумда “Рома” сафида 12 та ўйинда майдонга тушди.
