"Барселона" ярим ҳимоячиси Френки Де Йонг жамоадан кетмоқчи эмас. Бу ҳақда у Voetball нашрига берган интервьюсида маълум қилди.
"Менинг келажагим? Миш-мишлар ҳақида гапирмоқчи эмасман, лекин мен "Барселона"да қолишни афзал кўраман. Болалигимдан бу клубда тўп суриш орзуим эди. Мен бу ҳақида бир неча бор айтганман.
Агар бошқа клублардан таклиф тушса, мен таклифларни кўриб чиқаман, лекин ҳеч қайси клуб билан келишувим йўқ. Мен жамоада қолмоқчиман ва "Барса"ни танлаганимдан афсусланмайман", - деди 25 ёшли нидерландиялик ярим ҳимоячи.
Унинг каталонияликлар билан амалдаги шартномаси 2026 йилгача тузилган.
