"Барселона" ҳимоячиси Жерар Пике ва колумбиялик қўшиқчи Шакира ажралишди, деб хабар беради El Periodicо.
Манбанинг ёзишича, ажралишга футболчининг хиёнати сабаб бўлган. Қайд этилишича, Пике бир неча ҳафтадан бери эски квартирасида ёлғиз яшаб келган. Ҳимоячи мунтазам равишда жамоадоши ярим ҳимоячи Рики Пуч билан тунги клубларга боради, у ерда Пикени аёллар даврасида кўришган.
Пике ва Шакира 2011-йилдан бери муносабатларда бўлиб, улар расман никоҳдан ўтмаган. Жуфтликнинг икки фарзанди бор.
2021/2022 йилги мавсумда испаниялик ҳимоячи “Барселона” сафида барча турнирлар доирасида 39 та ўйинда майдонга тушди ва бу ўйинларда рақиблар дарвозасига 3 бор тўп киритди..
