"Реал" ҳужумчиси Карим Бензема "Манчестер Юнайтед" ҳужумчиси Криштиану Роналдунинг ўйинига таъсири ҳақида гапирди.
34 ёшли франциялик ва 37 ёшли португалиялик 2009-2018 йиллар давомида Мадрид клубида бирга ўйнашган.
"Мен ҳар доим Роналдуни томоша қилишдан завқланганман. Доимо Криштианунинг ҳаракатлари, дриблинги, тўп узатиши, тўп билан муомала қилишига эътиборимни қаратишга ҳаракат қилдим. Мен Роналдудаги ҳаммасини таҳлил қилдим, лекин буни қилишнинг иложи йўқ”, - дея Бенземанинг сўзларидан иқтибос келтирган Mundo Deportivo.
Ўтган мавсумда Бензема "Реал" сафида 46 ўйинда майдонга тушиб, 44 та гол урди ва 15 та голли узатмани амалга оширди. Унинг Мадрид клуби билан шартномаси 2023 йилнинг 30 июнига қадар мўлжалланган.
