"Лион"да ижара асосида 1 мавсумни ўтказган "Челси" ҳимоячиси Эмерсон Лондон клубига қайтиб, улар учун ўйнашни давом эттиришдан хурсанд бўлишини айтди.

“Томас Тухель билан ҳали гаплашишга улгурмадим. “Челси” билан шартномам бор, бу жамоада 3 йил ўйнадим, у ерда дўстларим бор. Агар қайтсам, фақат хурсанд бўламан.

"Челси" мен учун ажойиб жой, ажойиб клуб. У ерга аниқ қайтишимни билмайман, буни вақт кўрсатади", - дея Эмерсоннинг сўзларидан иқтибос келтирган GOAL.

Ўтган мавсум ҳимоячи француз жамоаси сафида 36 та ўйинда майдонга тушиб, 1 та гол ва 2 та голли узатмага муаллифлик қилган.