«Интер» ҳимоячиси Андреа Раноккья ҳозирги жамоасини тарк этиб, «Монца»га ўтиши мумкин.

Sky Sports хабарига кўра, у «Интер»ни тарк этмоқчи. 34 ёшли футболчи А Сериянинг янги иштирокчиси «Монца»га ўтишга қарши эмас.

Раноккья «Интер» сафида 2011 йилдан буён тўп тепади. Шу вақт ичида у 224 учрашувда қатнашиб, барча мусобақаларда 14 та гол урди ва 5 та голли узатмани амалга оширди. 2016 йилда футболчи «Сампдория», 2017 йилда эса Англиянинг «Халл Сити» клубида ижара асосида ўйнаган.

Манбага кўра, жорий йилнинг июнь ойи охирида италияликнинг «Интер» билан шартномаси тугайди ва у шартномани узайтириш ниятида эмас.