"Интер"нинг собиқ футболчиси, ҳозирда клуб вице-президенти Хавьер Занетти "Ювентус"нинг собиқ футболчиси Пауло Дибала билан икки марта шахсий учрашув ўтказди.
Машҳур италиялик журналист Фабрицио Романонинг ёзишича, Занетти Лондонда Дибала билан гаплашган. Бу Италия - Аргентина (0:3) Финалиссима учрашувидан олдин ва кейин содир бўлди.
Аввалроқ, "Интер" бош директори Жузеппе Маротта аргентиналик футболчи ёзги трансфер ойнасида доимий равишда клубга қўшилишига умид билдирди.
"Неррадзуррилар" аргентиналик футболчига йилига тахминан 6 миллион евро маош билан 3+1 схемаси бўйича шартнома таклиф қилишга тайёрлиги хабар қилинган.
