Нидерландия терма жамоаси Миллатлар лигасида Бельгия (3 июнь), Польша (11 июнь), ва Уэльс (8 ва 14 июнь) жамоаларига қарши баҳс олиб боради.
"Ажабланарлиси шундаки, бундай узоқ мавсумдан кейин Миллатлар лигасида яна тўртта ўйин ўтказиш керак. Аммо бу аллақачон қарор қилинган ва бизда бу қарорни ўзгартириш имконияти йўқ.
Ўйлайманки, ушбу тўртта ўйин давомида жароҳат олиш хавфи юқори, чунки биз узоқ мавсумни ортда қолдирдик. Буни таҳлил қилиш керак ва ўйинчилар тақвим тузишда ўз фикрларини билдиришлари керак", деди ҳимоячи.
Ушбу мавсумда марказий ҳимоячи “Ливерпуль” сафида 51 та, терма жамоа сафида эса яна 10 та ўйинда майдонга тушди.
