"Манчестер Сити" ярим ҳимоячиси Бернарду Силва Миллатлар лигаси ўйинлари туфайли футболчилар ўйнашга мажбур бўлган тақвим ҳақида гапирди. Португалияликнинг фикрича, бу ўйинлар футболчиларга фойда келтирмайди.

“Балки ишқибозлар тақвимдан мамнундирлар, аммо футболчилар учун бу қийин. 60 га яқин ўйин ўтказган мавсумдан сўнг терма жамоага келиб, яна 4 та ўйин ўтказиш унчалик тавсия этилмайди. Кўпчилик бу ҳақда гапирди. Футболчилар жуда кўп ўйин ўтказадилар, натижада кўпчилик жароҳат олади", - деди Силва Испания ва Португалия терма жамоалари ўртасидаги кечаги ўйиндан кейин.