"Бавария" яқинда Мюнхен клубидаги тарихи якунланганини айтган ҳужумчи Роберт Левандовскининг ўрнига ўринбосар қидиришни давом эттирмоқда. Робертга муқобил вариант сифатида "Бавария" "Наполи" ҳужумчиси Виктор Осимхенни кўриб чиқмоқда, деб хабар беради Correira Dello Sport.

Манбага кўра, Левандовскининг айтган гапларидан сўнг "Бавария" "Наполи"га 23 ёшли нигериялик футболчи учун расмий сўров юбориб бўлган. Италия клуби Осимхенни 100-110 миллион еврога баҳоламоқда.

Эслатиб ўтамиз, аввалроқ ОАВда Осимхенга инглиз клублари қизиқиш билдираётгани ҳақида хабарлар тарқалганди.

2021/2022 йилги мавсумда нигериялик футболчи жамоа сафида барча мусобақаларда 32 та ўйин ўтказиб, 18 та гол урди ва 6 та голли узатмани амалга оширди.