Бугун “Dalmantiko cup” мусобақасида 2-тур учрашувлари ўтказилди.

Дастлаб Ғулом Ҳалимтоев мураббийлигидаги “Бунёдкор-2011” иккинчи учрашувида ҳам ғалаба қозониб, муддатидан аввал кейинги босқич масаласини ҳал қилди. Маҳаллий ОСК билан куч синашган тарбияланувчиларимиз Абдуворис Қудратовнинг ягона голи эвазига ғалаба қозонди.

Шундан сўнг мусобақани мағлубият билан бошлаган Алишер Иброҳимов устозлигидаги “Бунёдкор-2009” майдонга чиқди. Хорватиянинг “Максимир” клубига қарши тўп сурган тарбияланувчиларимиз ишончли ўйин билан ғалаба нашидасини сурди. Эммануэль Эмонкпаиренинг дубли “қалдирғочларимиз”га дастлабки уч очкони тақдим этди.

Энг катта ёш тоифасидаги кеча нурсиз дурангга имзо чеккан Миразиз Мирзааҳмедов бошчилигидаги “Бунёдкор-2008” бугун бир йўла иккита ўйинда майдонга чиқиб, ҳар иккаласида ҳам рақибни “таслим” этди. Даставвал Косоводан ташриф буюрган “Дрини Бардхе” дарвозаси нақд 5 (!) марта ишғол этилган бўлса, сўнг маҳаллий “Солин” ҳам икки марта хафа қилинди. Шу тариқа “Бунёдкор-2008” икки учрашувда рақибларни 7 марта майдон марказига чорлади.

“Dalmatinko cup”. 2-тур
"БУНЁДКОР-2011" - ОСК (Хорватия) - 1:0
Гол: Абдуворис Қудратов.

"БУНЁДКОР-2009" – “МАКСИМИР” (Хорватия) - 2:1
Голлар: Эммануэль Эмонкпаире.

"БУНЁДКОР-2008" – “ДРИНИ БАРДХЕ” (Косова) - 5:0
Голлар: Абдулворис Ҳожимуродов, Садриддин Ҳасанов, Жасур Шарипов, Беҳруз Тайметов, Жавоҳир Орзиқулов.

"БУНЁДКОР-2008" – “СОЛИН” (Хорватия) - 2:0
Голлар: Иброҳим Акбаров, Садриддин Ҳасанов.