“Манчестер Сити” ҳужумчиси Хулиан Альвареснинг агенти Фернандо Идалго инглиз клуби футболчини “Марсель”га ижарага бермоқчи эканлиги ҳақидаги хабарларни рад этди.
"Шаҳарликлар" аргентиналик ҳужумчининг Европа футболига мослашишини тезлаштиришни исташаётгани хабар қилинганди.
"Хулианнинг "Марсель"га ўтишига ҳеч қандай имконият йўқ. "Манчестер Сити" Альваресни келаси мавсумда жамоанинг бир қисми бўлишини истамоқда", - дея Идалго сўзларини келтирмоқда журналист Фабрицио Романо.
22 ёшли Альварес 2022 йилнинг январида "Манчестер Сити"га келиб қўшилганди, аммо инглиз клуби ҳужумчини дарҳол "Ривер Плейт"га ижарага қайтариб юборди.
