"Фенербахче"нинг янги бош мураббийи Жорже Жезус машҳур ярим ҳимоячи Месут Ўзилни ўз режаларига киритмаяпти.

67 ёшли португалиялик мутахассис кечагина турк клуби бошқарувига тайинланганди, бироқ унинг режаларига Месут Ўзил киритилмагани аллақачон маълум, дея хабар беради Daily Mail.

Яқин вақт ичида "Реал", "Арсенал" ва Германия терма жамоасининг собиқ футболчиси ўзига янги клуб излашига тўғри келади.

Ўзил "Фенербахче" машғулотлари ва ўйинларидан жамоанинг олдинги мураббийи билан келишмовчилик туфайли четлатилди.

33 ёшли ҳужумкор ярим ҳимоячининг амалдаги шартномаси яна икки йилга мўлжалланган, аммо яқин орада бекор қилиниши мумкин.