Осиё кубоги-2023 саралаш баҳсларининг «C» гуруҳидан жой олган тўртта терма жамоа —Ўзбекистон, Таиланд, Шри-Ланка ва Мальдив ороллари терма жамоалари аъзолари Наманган халқаро аэропортида кутиб олинди.

Кутиб олиш маросимида Наманган вилоят, шаҳар ва туман ҳокимлиги, Наманган вилоят футбол ассоциацияси, вилоят спортни ривожлантириш бошқармаси, Наманган вилоят футбол маҳорат мактаби мураббийлари ва тарбияланувчилари, шунингдек ОАВ, ҳокимлик ахборот хизматлари ва блогерлар иштирок этишди.

Терма жамоалар футболчилари Намангандаги нуфузли меҳмонхоналарга жойлаштирилди. Жамоалар эртадан машғулотларга кириша бошлашади.