Мадриднинг “Реал” клуби ҳужумчиси Карим Бензема “ПСЖ” ҳужумчиси Лионел Мессининг сўзларига муносабат билдирди.
“Мен Мессининг сўзларини эшитдим ва улар мени хурсанд қилди. Шундай футболчидан мақтов эшитиш мени илҳомлантиради", - деди Бензема TYC Sport нашрига.
Аввалроқ Месси Бенземанинг 2021/22 йилги мавсумдаги ҳаракатларини юқори баҳолаб, уни "олтин тўп"га ҳақли деб айтганди.
2021/2022 йилги мавсумда француз "Реал Мадрид" билан Испания Примераси, Чемпионлар Лигаси ва Испания Суперкубогини қўлга киритди.
Ҳужумчи Испания чемпионатида 27 та, Чемпионлар лигасида эса 15 бор рақиблар дарвозасини ишғол қилиб, энг яхши тўпурарга айланди.