Аргентина терма жамоаси сафида Лионель Месси 82 ва 83-голларини киритди.
"ПСЖ" ҳужумчиси Эстония терма жамоаси билан ўртоқлик учрашувида пенальтини голга айлантирди ва яна бир голга муаллифлик қилди.
162 ўйинда 83 та гол урган аргентиналик футболчи терма жамоада гол уриш бўйича бешинчи ўринни эгаллаб турибди. Португалиялик ҳужумчи Криштиану Роналду 187 ўйинда 115 та гол урган ҳолда рейтингда пешқадамлик қилмоқда.
Терма жамоаларнинг энг яхши тўпурарлари:
1. Криштиану Роналду (Португалия) – 187та ўйинда 115та гол;
2. Али Даи (Эрон) - 148 учрашувда 109 та гол;
3. Муҳтор Даҳари (Малайзия) – 142 учрашувда 89 та гол;
4. Ференс Пушкаш (Венгрия) – 89 та ўйинда 84 та гол;
5. Лионель Месси (Аргентина) - 162 учрашувда 83 та гол.
