"ПСЖ" вице-сардори ва ҳимоячиси Преснел Кимпембе клуб билан янги шартнома имзолашга тайёр, деб хабар беради L'Equipe.
Шу билан бирга, Кимпембе клубдан ҳимоядаги шериги Маркиньос билан бир хил маош талаб қилмоқда.
Айни дамда Кимпембе парижликлар таркибида ойига 700 минг евро маош олади, жамоа сардори Маркиньо эса худди шунча давр учун 1 миллион евро олади.
Франциялик футболчи клубдан янги шартнома талаб қилмоқда, унга кўра у муносиб маош олмоқчи.
Кимпембенинг амалдаги шартномаси 2024 йилнинг июнигача мўлжалланган.
26 ёшли франциялик футболчи жорий мавсумда "ПСЖ" сафида 41 та ўйинда майдонга тушиб, 2 та гол урди ва 1 та голли узатмани амалга оширди.
