“Насаф” – “Гулистон” учрашуви якунлангач ҳар иккала жамоа мураббийлар учрашув ҳақида ўз фикр мулоҳазалари билан ўртоқлашишди.  “Насаф” бош мураббийси Усмон ТОШЕВ учрашув ҳақида шундай дейди:

— Жамоа билан фақат кеча илк  машғулотни ўтказдик. Умуман олганда йигитлар кўрсатмаларни тўғри бажаришди. Тўғри, ўйин давомида қайсидир жойда ноаниқликлар кўзга ташланди. Аммо энг муҳими футболчилар мураббий талабини тушунишди. Албата рақиб биринчи лига аъзоси. Шунга қарамай биз ҳар қандай рақибга қарши жиддий ҳозирлик кўрамиз ва ғалаба учун майдонга чиқамиз. Кейинги ўйинимизни “Нефтчи”га қарши ўтказамиз. Бунга ҳозирлик кўриши учун олдимизда етарлича вақт бор. Қолаверса, легионер футболчилар ҳам жамоа сафига келиб қўшилишади.