"Интер" "Челси"га ҳужумчи Ромелу Лукакуни икки йиллик ижарага бериш бўйича таклиф юборишни режалаштирмоқда, дея хабар беради журналист Жанлука Ди Марцио.
Манба берган хабарга кўра, 29 ёшли бельгиялик Лондон клуби раҳбариятидан "Интер" таклифини қабул қилишни сўрамоқчи.
Қайд этилишича, 2021 йил охиридан буён ҳужумчи Милан клуби мураббийлар штаби ва раҳбарияти билан доимий алоқада бўлиб келган.
Шу билан бирга, Лукаку Италияга қайтиш учун ҳозирги маошининг учдан биридан воз кечишга тайёр.
Эслатиб ўтамиз, бельгиялик футболчи 2021 йилнинг 12 августида 97,5 миллион фунт эвазига "Челси"га ўтган эди.
Ўтган мавсумда Лукаку лондонликлар сафида барча мусобақаларда 44 ўйинда 15 та гол урди ва 2 та голга ассистентлик қилди. Ҳужумчининг клуб билан шартномаси 2026 йилнинг 30 июнига қадар амал қилади.
