"Барселона" ҳалигача Гави билан янги шартнома борасида келиша олмаяпти.

Клуб раҳбарияти ва 17 ёшли ярим ҳимоячининг агентлари доимий алоқада. Янги келишув бўйича шу ҳафтада яна бир йиғилиш ўтказилиши мумкин.

Музокаралардаги келишмовчиликларнинг асосий сабаби "Барселона" Гавийни ўсиш истиқболлари бор футболчи деб ҳисобламоқда, футболчининг атрофидагилар эса испаниялик аллақачон жаҳон даражасига чиққан деб ҳисобламоқда. Шу сабабли, томонлар шартноманинг молиявий параметрлари бўйича келиша олмайди.

Diario Sport нашрининг ёзишича, "Барселона" Гавига шартномани яқинда узайтирган ёш футболчиларникидек маош тўлашга тайёр. Шартнома узайтирганлардан охиргиси ҳимоячи Рональд Араухо бўлган эди. Айни пайтда футболчи бундай шартларга рози эмас. Ярим ҳимоячининг агентлари ҳамон “Барселона” томонидан қўйилган шартларни ўрганишмоқда.