Германия терма жамоаси ва Мюнхеннинг “Бавария” клуби ҳужумчиси Томас Мюллер терма жамоа сафида ўтказилган ўйинлар сони бўйича 5-ўринга кўтарилиб олди.
Миллатлар лигаси гуруҳ босқичида Англияга қарши учрашув 32 ёшли ҳужумчи учун Германия терма жамоаси либосидаги 114-учрашуви бўлди. У 113 учрашувда майдонга тушган германиялик собиқ ҳимоячи Филипп Ламдан ошиб кетди.
Терма жамоа учун ўтказилган ўйинлар сони бўйича пешқадам Лотар Маттеус (150). Улардан кейинги ўринларда Мирослав Клозе (137 та ўйин), Лукас Подольски (130) ва Бастиан Швайнштайгер (121) бормоқда.
