Хабарингиз бор, айни пайтда юртимизда, яъни, Тошкент ва Қарши шаҳарларида U-23 Осиё чемпионати ўтказилмоқда. Мазкур чемпионатнинг “А” гуруҳи, 3-туридан ўрин олган, 7 июнь куни Қаршидаги “Марказий” ўйингоҳда бўлиб ўтган Ўзбекистон – Эрон (1:1) U-23 терма жамоалари ўртасидаги ўйинга 20 мингга яқин мухлис ташриф буюрди.

Маълумки, бугундан Наманганда Осиё кубоги – 2023 саралаш босқичининг “С” гуруҳи ўйинлари бошланади. Бугун мазкур гуруҳнинг 1-туридан ўрин олган Таиланд – Мальдив ороллари, Ўзбекистон – Шри-Ланка терма жамоалари ўртасидаги учрашувлар бўлиб ўтади.

Ушбу ўйинлар учун чипталар 6 июнь куни сотувга чиқди ва айни пайтда чипталар сотуви авжида!
Чипталар нархи 10.000 сўм этиб белгиланган ҳамда мухлислар битта чипта харид қилган ҳолда, ҳар икки баҳсни бевосита стадионда томоша қилиш имкониятига эга бўлишади.

Мухлислардан мазкур ўйинларга ташриф буюрган ҳолда, Наманганнинг ҳақиқий футбол вилояти эканлиги, миллий терма жамоамизни бевосита стадионда қўллаб-қувватлашларини сўраб қоламиз.

Хўш, бугунги баҳсда Қаршидаги мухлислар рекорди янгиланадими?
Шунга умид қилган ҳолда, ишқибозлардан бугунги учрашувларга ташриф буюриб, стадион ўриндиқларини тўлдиришларига тилакдошмиз.