Уругвайлик футбол юлдузи Луис Суарес фаол равишда янги клуб изламоқда. Goal.com портали хабарига кўра, тажрибали тўпурарда фаолиятини Аргентина чемпионатида давом эттириш имконияти бор.
"Ривер Плейт" Каталониянинг "Барселона" ва Мадриднинг "Атлетико" клубларининг собиқ ҳужумчиси трансферига қизиқиш билдирмоқда. Аргентиналик гигант аллақачон тўпурарнинг агенти билан музокараларни бошлаб юборган.
Суаресда “Ривер Плейт”дан ташқари фаолиятини Европада давом эттириш учун иккита вариант бор. Унга "Астон Вилла" ва "Фиорентина" клублари қизиқиш билдирмоқда.
