Португалия терма жамоаси ҳужумчиси Криштиану Роналду ўзининг Instagram саҳифасида Миллатлар лигасининг 3-туридан ўрин олган Чехия терма жамоасига қарши ўйиндан нималар кутаётгани ҳақида ёзди.
“Гуруҳдаги етакчиликни мустаҳкамлаш, муваффақиятли ўйинимизни давом эттириш ва мухлисларга навбатдаги ғалабани тақдим этиш вақти келди. Биз сизнинг тинимсиз қўллаб-қувватлашингизга ишонамиз! Олға Португалия! ", - деб ёзган Роналду.
Маълумот учун, Португалия – Чехия учрашуви бугун, 9 июнь куни Лиссабондаги (Португалия) “Хосе Алваладе” стадионида бўлиб ўтади. Бошланиши Тошкент вақти билан 21.45 да.
