Goal портали хабарига кўра, "Барселона" 17 ёшли ярим ҳимоячи Гави билан янги шартнома шартлари бўйича келиша олмаяпти.
Манбага кўра, каталонияликлар испаниялик ярим ҳимоячига йилига 2 миллион евролик шартнома таклиф қилмоқда. Шу билан бирга, Гави ва унинг агенти ойлик маошини босқичма-босқич ошириб, йилига 4 миллион евро олмоқчи.
Шу билан бирга, футболчига Англия Премьер-лигаси клубларидан иккита таклиф бор, улардан бири "Ливерпуль", "қизиллар" Гавига йилига 9 миллион евро тўлашга тайёр.
Бироқ аввалроқ мерсисайдликлар Гавини таклиф қилиш ғоясидан воз кечгани хабар қилинганди.
17 ёшли ярим ҳимоячининг ўзи ва унинг атрофидагилар футболчининг "Барселона"да қолишини истамоқда. Гави ўтган мавсумда "кўк-анорранглилар" таркибида 47 ўйин ўтказиб, иккита гол урди ва 6 голга ассистентлик қилди. Испаниялик ярим ҳимоячининг "Барселона" билан амалдаги шартномаси 2023 йилнинг июнигача мўлжалланган.
