"Интер" ҳимоячиси Дензел Дюмфриес фаолиятини "Челси"да давом эттириши мумкин. La Gazette Dello Sport хабарига кўра, 26 ёшли нидерландиялик ҳимоячи Ромелу Лукакуни "нерадзуррилар"га қайтариш бўйича келишувнинг бир қисми бўлиши мумкин.
Дюмфриес ўтган мавсумда 45 ўйин ўтказиб, 5 гол ва 7 голга ассистентлик қилган. Transfermarkt портали футболчининг нархини 20 миллион еврога баҳоламоқда.
Олдинроқ Милан клуби Лукакуга икки йиллик ижара таклифи билан чиқишни режалаштираётгани ҳақида хабар берилганди.
Эслатиб ўтамиз, бельгиялик футболчи 2021 йилнинг 12 августида "Интер"дан "Челси"га ўтган эди.
Лукаку ўтган мавсумда лондонликлар сафида барча турнирларда 44 ўйинда 15 та гол урди ва 2 та голли узатмани амалга оширди. Ҳужумчининг клуб билан шартномаси 2026 йилнинг 30 июнига қадар мўлжалланган.
