"Милан" "Сассуоло" ҳужумчиси Жанлука Скамаккага қизиқиш билдирмоқда, деб хабар беради La Gazette Dello Sport.
23 ёшли футболчига "ПСЖ" ва "Арсенал" ҳам даъвогарлик қилмоқда. Париж клуби вакиллари аллақачон ҳужумчининг агентлари билан учрашиб, тахминий ҳамкорликни муҳокама қилишган.
Аввалроқ, "Арсенал" италиялик учун 41 миллион евро таклиф қилгани, аммо рад этилгани ҳақида хабар берилганди.
2021/22 йилги мавсумда Скамакка Италия А сериясида 36 ўйинда 16 та гол урди.
Ҳужумчининг “Сассуоло” билан шартномаси 2026 йилда якунига етади.