"ПСЖ" Зинедин Зиданни бош мураббий этиб тайинлаш ниятидан воз кечмаяпти. Ҳозирча 49 ёшли мутахассис бу иш учун ўз розилигини бермади, деб ёзади журналист Ромаин Молина.
Бироқ, қатарлик клуб эгалари бу ғоядан воз кечмоқчи эмас ва Зидан билан ҳамкорликни устувор вазифа деб билишади.
Олдинроқ парижликлар Зиданни дунёнинг энг кўп маош олувчи мураббийига айлантиришга тайёр экани хабар қилинганди. Унга клуб ва Франция терма жамоасидаги фаолиятини ҳам бирлаштиришга рухсат берилган.
"ПСЖ" бош мураббий Маурисио Почеттино билан шартномани бекор қилиш бўйича келишувга эришган.
