"Бенфика" ҳужумчиси Дарвин Нуньес "Ливерпуль"га ўтади, деб хабар беради Португалия жамоаси расмий сайти.
Клублар 22 ёшли уругвайлик футболчини 75 миллион евро эвазига трансфер қилишга келишиб олган. Маблағни маълум шароитларда 100 миллион еврогача ошириш мумкин.
Энди футболчи “Ливерпуль” билан шартнома имзолаши керак. Ҳужумчининг шартномаси 2028 йилнинг ёзига қадар имзоланиши кутилмоқда.
2021/22 йилги мавсумда Нуньес “Бенфика” таркибида 41 та ўйинда майдонга тушиб, 34 та гол урди ва 4 та голли узатмани амалга оширди.