"Benfika" hujumchisi Darvin Nunyes "Liverpul"ga o‘tadi, deb xabar beradi Portugaliya jamoasi rasmiy sayti.
Klublar 22 yoshli urugvaylik futbolchini 75 million yevro evaziga transfer qilishga kelishib olgan. Mablag‘ni ma’lum sharoitlarda 100 million yevrogacha oshirish mumkin.
Endi futbolchi “Liverpul” bilan shartnoma imzolashi kerak. Hujumchining shartnomasi 2028 yilning yoziga qadar imzolanishi kutilmoqda.
2021/22 yilgi mavsumda Nunyes “Benfika” tarkibida 41 ta o‘yinda maydonga tushib, 34 ta gol urdi va 4 ta golli uzatmani amalga oshirdi.