УЕФА Миллатлар лигаси мусобақаси "C" лигаси 3-гуруҳидан ўрин олган Қозоғистон ва Словакия терма жамоалари ўртасидаги 4-тур баҳси якунига етди. Унда қўшниларимиз кучли рақибни яна бир марта мағлуб этишга муваффақ бўлишди.

Мезбонлар 18-дақиқада Вороговскийнинг голи эвазига ҳисобни очишган бўлса, биринчи бўлим тугашига 6 дақиқа қолганида Астанов фарқни иккитага оширди.

Словакия иккинчи бўлим бошида битта жавоб тўпини киритди. Аммо улар рақиб дарвозасига бошқа йўл топа олишмади. Шу тариқа, Қозоғистон иккинчи марта ушбу рақибни мағлуб этди. Улар 6 июнь куни сафардаги учрашувда 1:0 ҳисобида ғалаба қозонишганди.

Қозоғистон ушбу ғалабадан сўнг ўз очколарини 10тага етказиб олди ва ўз пешқадамлигини мустаҳкамлади. Словакия ҳисобида 6 очко мавжуд. Қўшниларимиз Беларусь ва Озарбойжонга қарши кечадиган сўнгги 2та турда 2 очко жамғаришса, "B" лигага кўтарилишади.

Миллатлар лигаси, "C" лига, 3-гуруҳ, 4-тур
Қозоғистон – Словакия 2:1 (2:0, 0:1)
13 июнь, 19.00, «Астана Арена»
Голлар: 1:0 – 18 Вороговский, 2:0 – 39 Астанов, 2:1 – 51 Беро.
Қозоғистон – Шацкий, Габышев (Каиров, 73), Малый, Марочкин, Алип, Досмагамбетов, Вороговский (Оразов, 74), Астанов (Логвиненко, 84), Дарабаев (Ерланов, 88), Тагыберген, Аймбетов (Самородов, 88).
Словакия – Родак, Пекарик, Дьомбер, Вальент, Хватал (Де Марко, 46), Куцка, Гараслин (Суслов, 89), Грошовски, Беро (Альмаши, 82), Дуда, Руснак (Стрелец, 72).
Огоҳлантиришлар: Дьомбер (23), Оразов (86), Дуда (86), Альмаши (90), Куцка (90).
Четлатиш: Дуда (87).