"Манчестер Юнайтед" "Дерби Каунти"нинг нигериялик ҳужумчиси Малколм Эбиовеюга қизиқиш билдирмоқда, деб ёзди журналист Фабрицио Романо.
Манбанинг хабарига кўра, инглиз клуби ёзги трансфер ойнасида футболчи сотиб олиш вариантини кўриб чиқмоқда. Футболчига "Кристал Пэлас" ҳам жиддий қизиқиш билдирмоқда.
18 ёшли Эбиовею ўтган мавсумда "Дерби Каунти" сафида 16 ўйинда майдонга тушиб, битта гол урди ва иккита голли узатмани амалга оширди. Унинг клуб билан шартномаси 2022 йилнинг ёзига қадар мўлжалланган.