"Ливерпуль" ҳужумчиси Такуми Минамино ёзда жамоани тарк этади, дея хабар беради журналист Фабрицио Романо.
Манба берган хабарга кўра, 27 ёшли япониялик билан учта клуб музокара олиб бормоқда. Яқин орада форвард ўз келажаги ҳақида қарор қабул қилади.
Аввалроқ, Минамино учун "Монако" асосий даъвогар экани хабар қилинганди.
Минамино ўтган мавсумда "Ливерпуль" сафида 24 та ўйинда майдонга тушиб, 10 та гол урди ва бир голли узатмани амалга оширди.