Миланнинг "Интер" клуби словакиялик ҳимоячи Милан Шкриньярни қўйиб юборишга тайёр, дея хабар беради инсайдер Алфредо Педулла ижтимоий тармоқда.
Манбага кўра, клуб футболчини 80 миллион евро эвазига қўйиб юборишга тайёр.
Италияликлар таклиф қилинган 70 миллион еврога ҳам рози бўлишади, лекин шартномага ҳар хил бонуслар қўшилади.
Журналистнинг фикрича, футболчига асосий даъвогарлар "Челси" ва "Пари Сен-Жермен" клублари бўлиб турибди.
“Интер” “ПСЖ”нинг ҳимоячи учун 50 миллион евролик дастлабки таклифини рад этди, Париж клуби эса бу суммани оширишга тайёр.
