Milanning "Inter" klubi slovakiyalik himoyachi Milan Shkrinyarni qo‘yib yuborishga tayyor, deya xabar beradi insayder Alfredo Pedulla ijtimoiy tarmoqda.
Manbaga ko‘ra, klub futbolchini 80 million yevro evaziga qo‘yib yuborishga tayyor.
Italiyaliklar taklif qilingan 70 million yevroga ham rozi bo‘lishadi, lekin shartnomaga har xil bonuslar qo‘shiladi.
Jurnalistning fikricha, futbolchiga asosiy da’vogarlar "Chelsi" va "Pari Sen-Jermen" klublari bo‘lib turibdi.
“Inter” “PSJ”ning himoyachi uchun 50 million yevrolik dastlabki taklifini rad etdi, Parij klubi esa bu summani oshirishga tayyor.