"Бавария" футболчилари Роберт Левандовски ва Лерой Саненинг муносабатлари кескинлашган, деб хабар беради Sport1.de.
Германия терма жамоаси футболчисини польшалик ҳужумчининг "Барселона"га ўтиш хатти-ҳаракатлари безовта қилмоқда, Левандовскининг ўзи эса қанот ҳужумчисининг майдондаги ҳаракатларидан кўп норозилигини билдирган. Польяк клубни тарк этиш истагини билдирганидан сўнг, футболчилар ўртасида очиқдан-очиқ можаро юзага келди.
26 ёшли Сане ўтган мавсумда "Бавария" сафида 45 та ўйинда майдонга тушиб, 14 та гол урди ва 15 та голга ассистентлик қилди.
33 ёшли Левандовски 46 учрашувда 50 гол ва 7 голга ассистентлик қилган.
