Украинанинг «Шахтёр» клуби ҳужумчиси Давид Нерес Португалиянинг «Бенфика» клуби билан шартнома имзолади, дея хабар беради инсайдер Фабрицио Романо.
Журналистнинг хабарига кўра, 25 ёшли бразилиялик «бургутлар» билан 2027 йилгача мўлжалланган шартнома имзолаган.
Футболчи 2022 йилнинг қишида «Аякс»дан 12 миллион евро эвазига «Шахтёр»га ўтган, бироқ янги жамоасида ўйнашга улгурмаганди.
Эслатиб ўтамиз, 24 февраль куни Украина чемпионати тўхтатилган эди, 24 апрель куни эса Украина Премьер-лигаси раҳбарияти миллий чемпионатни муддатидан олдин тугатишга қарор қилган.
УПЛ тўхтатилган вақтда «Шахтёр» 18 турдан кейин 47 очко билан турнир жадвалида пешқадамлик қилаётганди. Шу тариқа, жамоа муддатидан олдин Украина чемпионига айланди.
