Ukrainaning «Shaxtyor» klubi hujumchisi David Neres Portugaliyaning «Benfika» klubi bilan shartnoma imzoladi, deya xabar beradi insayder Fabrisio Romano.

Jurnalistning xabariga ko‘ra, 25 yoshli braziliyalik «burgutlar» bilan 2027 yilgacha mo‘ljallangan shartnoma imzolagan.

Futbolchi 2022 yilning qishida «Ayaks»dan 12 million yevro evaziga «Shaxtyor»ga o‘tgan, biroq yangi jamoasida o‘ynashga ulgurmagandi.

Eslatib o‘tamiz, 24 fevral kuni Ukraina chempionati to‘xtatilgan edi, 24 aprel kuni esa Ukraina Premyer-ligasi rahbariyati milliy chempionatni muddatidan oldin tugatishga qaror qilgan.

UPL to‘xtatilgan vaqtda «Shaxtyor» 18 turdan keyin 47 ochko bilan turnir jadvalida peshqadamlik qilayotgandi. Shu tariqa, jamoa muddatidan oldin Ukraina chempioniga aylandi.