Франция терма жамоасининг собиқ ҳужумчиси ва 1991 йилги «Олтин тўп» соҳиби Жан-Пьер Папен «ПСЖ» ҳужумчиси Килиан Мбаппени дунёнинг энг яхши футболчиси деб ҳисоблайди.
«Мбаппе ҳар доим ўз устида ишлайди, йилдан-йилга кучайди ва менинг фикримча, у бугунги кунда дунёнинг энг яхши футболчиси», - дейди Папен.
Эслатиб ўтамиз, 23 ёшли Мбаппе 2022 йилнинг май ойида «ПСЖ» билан янги уч йиллик шартнома имзолаган эди.
Унинг аввалги шартномаси 2021/2022 йилги мавсум охирида якунига етган ва футболчи фаолиятини «Реал Мадрид»да давом эттириши мумкинлиги хабар қилинганди. Бироқ бундай бўлмади.
