"Саутгемптон" "Манчестер Сити" дарвозабони Гевин Базуна билан шартнома имзолаганини эълон қилди.
Клуб матбуот хизмати хабарига кўра, шартнома беш йилга мўлжалланган.
Аввалроқ "авлиёлар" 20 ёшли ирландиялик учун 11 миллион фунт тўлаши хабар қилинганди. Бироқ, дарвозабоннинг ўйинларига боғлиқ бўлган бонус тўловлари туфайли бу сумма 15 миллион фунт стерлинггача кўтарилиши мумкин.
2021/22 йилги мавсумда Базуна "Портсмут"да ижара асосида ўйнади. Дарвозабон 46 та ўйин ўтказиб, 53 та гол ўтказиб юборган.