Ҳужумчи Дивок Ориги “Ливерпуль” ва мухлислар билан хайрлашди.
“Бу клубга 19 ёшимда кўчиб ўтганман. Мен "Ливерпуль"да ўйнаш бахтига муяссар бўлганимдан фахрланаман. Мухлисларга кўп йиллар давомида кўрсатган қўллаб-қувватлашлари учун миннатдорчилик билдирмоқчиман", - деб ёзди футболчи ижтимоий тармоқлардаги саҳифаларида.
Аввалроқ, 27 ёшли бельгиялик келаси ҳафта тиббий кўрикдан ўтиши ва "Милан" билан шартнома имзолаши ҳақида хабар берилганди.