"Удинезе" раҳбарлари италиялик ёш ҳимоячи Дестини Удогини "Тоттенхэм"га қўйиб юбормоқчи эмас.
Удине клуби бош директори Пиерпаоло Марино журналистларга жамоа 19 ёшли италиялик футболчини муваффақиятли мавсумдан кейин “Тоттенхэм”га сотмаслигини айтди. "Шпорлар" ҳақиқатан ҳам ўз сафига ёш ҳимоячини қўшиб олишни хоҳлайди. Нуфузли портал Удогининг нархини 17 миллион еврога баҳоламоқда.
Ўтган мавсумда Дестини Удоги Италия чемпионатида 35 та ўйин ўтказиб, 5 та гол ва 4 та голли узатмага муаллифлик қилган.